12.4 Ayat Turu Champur
Ayat turu champur nya ayat ti dipenyadi ari sebengkah ayat ti ngundan dua
tauka lebih ayat tunggal enggau ayat turu tauka mayuh bengkah ayat turu.
Chunto:
98. Apai enggau indai nyau setengah mati bekereja
tang pengidup
kami mengkang seranta.
99. Pemulai sida besain ari kubau, tuai
rumah lalu ngelumuka
nembiak laban iya deka mai sida bejuraika atur baru nyaga
pengelikun rumah ti deka dipejalaika.
100. Aku nelefon
iya enggau ati ti chukup nangi laban aku nemu iya
lembau berandau enggau aku.
Tiga iti ayat di atas nya tadi tau dipechah ngagai ayat
tunggal ti baka tu:
101. (a) Apai enggau indai nyau setengah mati
bekereja.
(b) Pengidup
kami mengkang seranta.
Jaku penyambung – tang
102. (a) Sida pulai besain ari kubau.
(b) Tuai rumah ngelumuka nembiak iya.
(c) Tuai rumah deka mai sida bejurai.
(d) Sida bejuraika atur baru nyaga pengelikun
rumah.
(e) Atur baru nyaga pengelikun rumah deka
dipejalaika.
Penyambung – tanda (,) enggau jaku penyambung lalu, laban
enggau jaku penyambung relatif ti.
103. (a) Aku nelefon iya.
(b) Ati aku chukup nangi.
(c) Aku nemu iya lembau berandau enggau aku.
Jaku
penyambung – jaku penyambung relatif ti,
jaku penyambung
besakal
reti laban.
Tiada ulasan:
Catat Ulasan