Pemesai Guna Jalai Jaku
Pemuka Jaku
JAKU IBAN baka mega jaku bansa bukai di dunya ke udah diangkat nyadi jaku tulis endang ngembuan ukum tauka atur iya empu ti mesti dititih raban penguna jaku tu empu. Sistem ukum tu mih ti dikumbai dalam jaku Iban nya jalai jaku. Jalai jaku tu nentuka pekara ti betul lalu ulih diterima rama lalu madahka pekara ti salah sereta ngelanggar ukum dalam guna jaku Iban.
Pemesai Guna Jalai Jaku
Jalai jaku Jaku Iban endang beguna amat maya bekomunikasyen entara bala penguna kelebih agi maya nulis. Ambika banding, undang-undang sebuah komuniti beguna dikena nentuka pengelikun raban komuniti nya. Raban penguna jaku tu enda ulih enda ngasika atur jalai jaku dikena nentuka komunikasyen sida nya semitan. Sebarang pekara ti limpang ari atur nya tau bendar ngasuh charut lalu ngujungka komunikasyen nya enda nemban.
Ambika banding, iya nya siti ari ukum Jaku Iban ti beguna amat nya ukum D-N. Ukum tu madahka elemen ti diterangka nya mesti diengkah ba mua elemen ke nerang (N) baka dalam rambai jaku asi guring ti bisi ayan ba ayat di baruh tu.
Chunto
Timo makai asi guring.
Ba rambai jaku nya ‘asi’, nya elemen ti diterangka lalu diengkah ba mua ‘guring’, elemen ti nerang. Enti tusun jaku tu ditunsangka dia asil siti rambai jaku iya nyadi ‘guring asi’. Rambai jaku tu salah tauka enda nitihka jalai jaku dalam konteks ayat nya.
Genap iti penambah Jaku Iban ngembuan fungsyen iya empu dalam tukuh jaku. Peratika chunto ayat ti nangkan ke ngena urat jaku temu ti udah diberi penambah.
Chunto
1 Timo nemu bup nya ba baruh mija.
2 Timo betemu enggau kepala pengajar.
‘Nemu’ enggau ‘betemu’ nya jaku tumbuh asal ari urat jaku ‘temu ti udah diberi penambah. Reti nya kedua-dua leka jaku nya datai ari urat jaku ti sama iya nya ‘temu’. Tang leka jaku ba chunto 1 ngena penambah n- ... nya jaku pengawa transitif laban bisi nerima objek nyadika penyambut lalu chunto 2 nya ngundan jaku pengawa intransitif. Kebuah pia laban siti ari atur jaku pengawa intransitif nya ayat enda ulih dipasif.
Siti agi chunto iya nya guna jaku jaku sangkal ‘ukai’ enggau ‘enda’ ti bebida guna iya. Peratika chunto di baruh tu.
Chunto
1 Rumah nya Rumah Parlimen?
Ukai. Rumah nya ukai Rumah Parlimen.
2 Indai benung nyumai asi di dapur?
Enda. Iya benung nyait kelambi.
Leka jaku sangkal ‘ukai’ dikena ba ayat (1), lalu leka jaku ‘enda’ dikena ba ayat (2). Nitihka jalai jalai Jaku Iban leka jaku sangkal ‘ukai’ enggau ‘enda’ dikena nitihka konteks ayat.
Chunto ke di atas ngayanka enggau terang senentang pemesai guna jalai jaku Jaku Iban. Iya tau disemaka baka kedap ti ngidupka jaku Iban lalu nyadika kereban komunikasyen ti semitan.
Nya alai, nembiak sekula ke bisi belajarka mata pelajar Jaku Iban mesti ngenataika diri ba siti tikas pengulih ti jelan dalam jalai jaku Jaku Iban ngambika iya ulih bejaku sereta nulis jaku Iban ti betul. Nya kebuah jalai jaku Jaku Iban bisi dipasukka dalam Kurikulum Jaku Iban dalam Kurikulum Standard Sekula Primari (KSSR) enggau Kurikulum Standard Sekula Sekondari (KSSM). Jalai jaku tu nyadi siti aspek Jaku Iban ti mesti diajar di sekula. Dalam konteks artikel ke ditulis ditu sereta nangkan tu deka ngemeratka pengawa sistem ngajar jalai jaku ba tikas sekondari aja. Engka jemah ila enti bisi peluang deka meratika jalai jaku ba tikas sekula primari.
BUP SANDING PENEMU
Abdullah Hassan 1984, Linguistik Am untuk Guru Bahasa Malaysia, Penerbit Fajar Bakti Sdn.Bhd. , Petaling Jaya.
_________________ (ed) 1987, Kesalahan Bahasa dalam Bahasa Melayu, Dewan Bahasa dan Pustaka (DBP) Kuala Lumpur.
_________________ 1974, The Morphology of Malay, Dewan Bahasa dan Pustaka (DBP) Kuala Lumpur.
Anthony, E.M. (ed). 1976, Reading: Insights and Approaches, Singapore University Press, Singapore.
Ashley, R.S., 1984, Successful Techniques for Teaching Elementary Language Arts, Parker Publishing, New York.
Asmah Haji Omar dan Rama Subbiah (1968), An Introduction to Malay Grammar, Dewan Bahasa dan Pustaka (DBP) Kuala Lumpur.
_________________ (ed)1984, Kaedah Pengajaran Bahasa. Dewan Bahasa dan Pustaka (DBP) Kuala Lumpur.
Azman Wan Chik (1981), Prinsip dan Kaedah Mengajar Kesusasteraan Melayu, Utusan Publications, Kuala Lumpur.
_________________ 1982, Ujian Bahasa Malaysia, Dewan Bahasa dan Pustaka (DBP) Kuala Lumpur.
_________________ (ed)1986, Mengajar Bahasa Malaysia: Latihan Guru dan Bahan, Dewan Bahasa dan Pustaka (DBP) Kuala Lumpur.
Gurner, R. (1976), Language, Learning and Remedial Teaching, Edward Arnold, London.
Koh Boh Boon (1981), Pengajaran Bahasa Malaysia, Utusan Publications, Kuala Lumpur.
Koh Boh Boon (1990), Pengajaran Tatabahasa Bahasa Malaysia: Prinsip dan Teknik, Penerbit Fajar Bakti Sdn. Bhd., Kuala Lumpur.
_________________ 1981, Pengajaran Pemulihan dalam Bahasa Malaysia, Dewan Bahasa dan Pustaka (DBP) Kuala Lumpur.
_________________ 1984, Bahan Pengajaran Kendiri Terancang, Dewan Bahasa dan Pustaka (DBP) Kuala Lumpur.
_________________ (ed) 1989, Perspektif-perspektif dalam Pengajaran Bahasa Malaysia, Dewan Bahasa dan Pustaka (DBP) Kuala Lumpur.
_________________ 1978, The Teaching of Malay Affixes, Penerbit Fajar Bakti Sdn. Bhd., Kuala Lumpur.
Lado, R., (1976), Language Teaching: A Scientific Approach, Tata McGraw-Hill Publishing, Bombay.
Lim Kiat Boey (1975), An Introduction to Linguistics for the Language Teacher, Singapore University Press, Singapura.
Lufti Abas (1975), Tatabahasa Perbandingan: Predikat, Dewan Bahasa dan Pustaka (DBP), Kuala Lumpur.
_________________ 1976, Tatabahasa Perbandingan: Ayat, Dewan Bahasa dan Pustaka (DBP) Kuala Lumpur.
Mackey, W.F., (1978), Language Teaching Analysis, Longman, London.
Mashudi B.H. Kader ((1981), The Syntax of Malay Interrogatives, Dewan Bahasa dan Pustaka (DBP), Kuala Lumpur.
Mohd. Taib Osman (ed), (1977), Pengajaran Bahasa dan Kesusasteraan Malaysia, Dewan Bahasa dan Pustaka (DBP), Kuala Lumpur.
Nik Safiah Karim (1978), Bahasa Malaysia Syntax, Dewan Bahasa dan Pustaka (DBP), Kuala Lumpur.
_________________ (ed), 1986, Bahasa Melayu Tinggi: Teori dan Penerapan, Dewan Bahasa dan Pustaka (DBP) Kuala Lumpur.
_________________ et al. (ed), 1982, Tatabahasa Dewan: Ayat. Dewan Bahasa dan Pustaka (DBP) Kuala Lumpur.
_________________ et al. (ed), 1989, Tatabahasa Dewan: Perkataan. Dewan Bahasa dan Pustaka (DBP) Kuala Lumpur.
Payne, E.M.F., (1970), Basic Syntactic Structures in Standard Malay, Dewan Bahasa dan Pustaka (DBP), Kuala Lumpur.
Raminah Hj. Sabran dan Rahim Syam (1985), Kaedah Pengajaran Bahasa Malaysia, Penerbit Fajar Bakti Sdn. Bhd., Petaling Jaya.
Richards, J.C. dan Rodgers, T.S. (1986), Approaches and Methods in Language Teaching, Cambridge University Press, Cambridge.
Rivers, W.M. (1981), Teaching Foreign-Language Skills, The University of Chicago Press, Chicago.
Sofiah Hamid dan Zaiton Ab. Rahman (ed), (1988), Ke Arah Keprofesionalan Guru Bahasa dan Sastera Melayu, Dewan Bahasa dan Pustaka (DBP), Kuala Lumpur.
Stern, H.H. (1983), Fundamental Concepts of Language Teaching, Oxford University Press, Oxford.
Wilkins, D. A., (1978), Linguistic in Language Teaching, ELBS and Edward Arnold, London.
_________________ 1981. Second Language Learning and Teaching, ELBS and Edward Arnold, London.
Tiada ulasan:
Catat Ulasan