Pemuka Jaku

Pemuka Jaku
Niat ati penulis nengkebang siti blog ngena jaku Iban ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang. Laman tu ukai semina ngenang pasal pemansang jaku Iban di sekula enggau budaya bansa Iban tang mega ngenang pekara pasal pengerindu diau begulai sejalai sereta bekunsi tuju pengidup enggau mayuh pupu raban bansa ba Malaysia. Kepenudi bendar, laman tu dikarapka ulih nyadika penyanding penemu ngagai bala nembiak ke agi belajarka jaku Iban baikka iya di tikas sekula, institut pematih pengajar tauka universiti.
"Dikelala Buah ari Langgu, Dikelala Basa ari Penyiru, Dikelala Bansa ari Jaku"

Khamis, 30 Januari 2020

Taun 2020


Taun 2020

Selamat datai 2020. Selamat taun baru. Selamat taun baru China, selamat taun chit. Pemuka taun ti tentu bendar ngeringka semengat kitai ke deka nyadi mensia ti menyana. Blog Tempalai Kenang taun baru tu mega baka nya sama bisi ati nguji deka mantaika imej baru ngambika pekara ti dikenataika ditu nya semampai dipeda biak belama sereta ulih meri peransang ngagai bala pemacha blog tu.

Ya, sigi amat, ukai nyamai digelar sukses tang semua iya ukai utai ti enda ulih dijapai. Pemujur enda datai labuh ari langit pia aja enti kitai semuti tak bemimpi. Pechaya mih, singkang juluk ati orang ke mujur ulih dijapai enti iya empu seruran disapi enggau pengering semengat sereta pengeliat ati.

Enggau juluk ati ti baru tu, arapka blog Tempalai Kenang mega ulih meri pengering semengat ngagai bala pemacha ngambika diari pengidup kitai dilumai enggau pemujur.

Kering baka ni pan enti bisi duri penanggul anang mih jampat nyadika iya nya dalih kitai enda ulih nyingkang ke mua sereta mudah putus pengarap. Bah! Aram mih kitai majak nyingkang ke mua ngulihka juluk ati kitai.
Posted by at
Labels:

Tiada ulasan:

Catat Ulasan

Langgan: Catat Ulasan (Atom)